ನಮ್ಮ ದೈನಂದಿನ ಜೀವನದಲ್ಲಿ ಆಧಾರ್ ಕಾರ್ಡ್ (Aadhaar Card) ಎಂಬುದು ಅತ್ಯಗತ್ಯ ದಾಖಲೆಯಾಗಿದೆ. ಬ್ಯಾಂಕ್ ಖಾತೆ (Bank account) ತೆರೆಯುವುದರಿಂದ ಹಿಡಿದು ಸರ್ಕಾರದ ಸಬ್ಸಿಡಿ (Govt. Subsidy) ಪಡೆಯುವವರೆಗೆ ಎಲ್ಲದಕ್ಕೂ ಆಧಾರ್ ಬೇಕೇ ಬೇಕು. ಆದರೆ, ಹುಟ್ಟಿದ ದಿನಾಂಕದ ಪುರಾವೆಯಾಗಿ (Date of Birth Proof) ಆಧಾರ್ ಕಾರ್ಡ್ ಬಳಸುವವರಿಗೆ ಕೇಂದ್ರ ಸರ್ಕಾರ ಮತ್ತು UIDAI ಈಗ ದೊಡ್ಡ ಶಾಕ್ ನೀಡಿದೆ.
ಏನಿದು ಹೊಸ ಅಪ್ಡೇಟ್?
ಇತ್ತೀಚಿನ ಮಾಹಿತಿಯ ಪ್ರಕಾರ, ಆಧಾರ್ ಕಾರ್ಡ್ (Aadhaar Card) ಕೇವಲ ನಿಮ್ಮ ಗುರುತಿನ ಚೀಟಿ (Identity Proof) ಮತ್ತು ನಿವಾಸದ ಪುರಾವೆ (Address Proof) ಆಗಿ ಮಾತ್ರ ಕೆಲಸ ಮಾಡುತ್ತದೆ. ಇದನ್ನು ಇನ್ಮುಂದೆ ಹುಟ್ಟಿದ ದಿನಾಂಕದ ಅಧಿಕೃತ ದಾಖಲೆಯಾಗಿ (Date of Birth Proof) ಪರಿಗಣಿಸಲು ಸಾಧ್ಯವಿಲ್ಲ ಎಂದು ಕೇಂದ್ರ ಸರ್ಕಾರ ಸ್ಪಷ್ಟಪಡಿಸಿದೆ.
ಯಾಕೆ ಈ ಬದಲಾವಣೆ?
UIDAI (ಭಾರತೀಯ ವಿಶಿಷ್ಟ ಗುರುತಿನ ಪ್ರಾಧಿಕಾರ) ನೀಡಿರುವ ಸ್ಪಷ್ಟನೆಯಲ್ಲಿ ಕೆಲವು ಪ್ರಮುಖ ಅಂಶಗಳಿವೆ:
-
ಸ್ವಯಂ ಘೋಷಣೆ: ಆಧಾರ್ ಕಾರ್ಡ್(Aadhaar Card) ಮಾಡುವಾಗ ಅನೇಕರು ತಮ್ಮ ಹುಟ್ಟಿದ ದಿನಾಂಕವನ್ನು (Date of Birth) ಸ್ವಯಂ ಘೋಷಿತವಾಗಿ (Self Declaration) ನೀಡಿರುತ್ತಾರೆ. ಸರಿಯಾದ ದಾಖಲೆ ಇಲ್ಲದಿದ್ದಾಗ ಸಿಸ್ಟಮ್ ಅಟೋಮ್ಯಾಟಿಕ್ ಆಗಿ ಜನವರಿ 1 ಅನ್ನು ಹುಟ್ಟಿದ ದಿನಾಂಕವಾಗಿ ತೆಗೆದುಕೊಳ್ಳುವ ಸಾಧ್ಯತೆ ಇರುತ್ತದೆ.
-
ಆಧಾರ್ ಕಾಯ್ದೆ 2016 (Aadhaar ACT 2016): ಈ ಕಾಯ್ದೆಯ ಪ್ರಕಾರ, ಆಧಾರ್ ಒಬ್ಬ ವ್ಯಕ್ತಿಯ ಬಯೋಮೆಟ್ರಿಕ್ ಮತ್ತು ಡೆಮೊಗ್ರಾಫಿಕ್ ಡೇಟಾವನ್ನು ಆಧರಿಸಿದ ಗುರುತಿನ ಚೀಟಿಯೇ ಹೊರತು ಜನ್ಮ ದಿನಾಂಕವನ್ನು ದೃಢೀಕರಿಸುವ ದಾಖಲೆಯಲ್ಲ.
-
ಜವಾಬ್ದಾರಿ ನಿಮ್ಮದೇ: ಆಧಾರ್ನಲ್ಲಿರುವ ಹುಟ್ಟಿದ ದಿನಾಂಕದ ಬಗ್ಗೆ ಏನಾದರೂ ವಿವಾದ ಉಂಟಾದರೆ, ಅದನ್ನು ಸಾಬೀತುಪಡಿಸುವ ಜವಾಬ್ದಾರಿ ಕಾರ್ಡ್ ಹೊಂದಿರುವವರ ಮೇಲೆಯೇ ಇರುತ್ತದೆ.
ಇನ್ಮುಂದೆ ಜನ್ಮ ದಿನಾಂಕಕ್ಕೆ ಯಾವ ದಾಖಲೆ ಬೇಕು? (Proofs required for Date of Birth):
ಹುಟ್ಟಿದ ದಿನಾಂಕವನ್ನು ಸಾಬೀತುಪಡಿಸಲು ನೀವು ಈ ಕೆಳಗಿನ ದಾಖಲೆಗಳನ್ನು ಬಳಸಬೇಕೆಂದು ಸರ್ಕಾರ ಸೂಚಿಸಿದೆ:
-
ಜನ್ಮ ಪ್ರಮಾಣ ಪತ್ರ (Birth Certificate)
-
ಎಸ್.ಎಸ್.ಎಲ್.ಸಿ (10th Class) ಅಂಕಪಟ್ಟಿ ಅಥವಾ ವರ್ಗಾವಣೆ ಪ್ರಮಾಣ ಪತ್ರ (TC)
ಪಾಸ್ಪೋರ್ಟ್ (Passport) ಮತ್ತು ಇನ್ಶೂರೆನ್ಸ್ಗೆ (Insurance) ಎಚ್ಚರ!
ನೀವು ಪಾಸ್ಪೋರ್ಟ್ ಮಾಡಿಸುವಾಗ ಅಥವಾ ಇನ್ಶೂರೆನ್ಸ್ ಕ್ಲೈಮ್ ಮಾಡುವ ಸಂದರ್ಭದಲ್ಲಿ ಕೇವಲ ಆಧಾರ್ ಕಾರ್ಡ್ ನೀಡಿದರೆ ಸಾಕಾಗುವುದಿಲ್ಲ. ಅದರ ಜೊತೆಗೆ ನಿಮ್ಮ ಹತ್ತನೇ ತರಗತಿಯ (10th Class Marks card) ಮಾರ್ಕ್ಸ್ ಕಾರ್ಡ್ ಅಥವಾ ಬರ್ತ್ ಸರ್ಟಿಫಿಕೇಟ್ (Birth Certificate) ಹೊಂದಿರುವುದು ಅತ್ಯಗತ್ಯ.
ಗಮನಿಸಿ: ಸರ್ಕಾರದ ಯೋಜನೆಗಳು ಮತ್ತು ಸಬ್ಸಿಡಿಗಳನ್ನು ಪಡೆಯಲು ಆಧಾರ್ ಇಂದಿಗೂ ಅತ್ಯಗತ್ಯ. ಆದರೆ ‘ವಯಸ್ಸಿನ ಪುರಾವೆ’ ಎಂದು ಬಂದಾಗ ಮಾತ್ರ ಆಧಾರ್ ತನ್ನ ಮಾನ್ಯತೆಯನ್ನು ಕಳೆದುಕೊಂಡಿದೆ.
ಆದ್ದರಿಂದ, ನಿಮ್ಮ ದಾಖಲೆಗಳಲ್ಲಿ ಏನಾದರೂ ತಪ್ಪುಗಳಿದ್ದರೆ ಅಥವಾ ಕೇವಲ ಆಧಾರ್ ಮೇಲೆ ಅವಲಂಬಿತರಾಗಿದ್ದರೆ, ತಕ್ಷಣವೇ ನಿಮ್ಮ ಜನ್ಮ ಪ್ರಮಾಣ ಪತ್ರ ಅಥವಾ ಶಾಲಾ ದಾಖಲೆಗಳನ್ನು ಸಿದ್ಧಪಡಿಸಿಟ್ಟುಕೊಳ್ಳುವುದು ಒಳ್ಳೆಯದು.
